NHMT ərizəni araşdırmış və məhkəməyə müraciət üçün R.Ramazanova hüquqi yardım etmişdir. “KCA Deutaq Caspian Limited” şirkəti Azərbaycan qanunlarını tanımaq istəmir; əmək xəsarəti almış Rəşad Ramazanovun hüquqları kobud surətdə pozulur. Rəşad Ramazanov “Əmək haqqının, əmək qabiliyyətinin müvəqqəti itirilməsinə görə müavinatın, məzuniyyət pulunun, sığorta pulunun ödənilməsi və əmək xəsarəti ilə əlaqədar müvafiq işlə təmin olunma barədə” iddia tələblərinin təmin olunması üçün Bakı şəhər Sabail məhkəməsinə müraciət etmişdir. Ramazanov Rəşad Rafiq oğlu ilə “KCA Deutaq Caspian Limited” Şirkəti arasında bağlanmış əmək müqaviləsinə əsasən 1 yanvar 2005-ci il tarixdə Şirkətə sıravi köməkçi vəzifəsinə işə qəbul edilmiş, sonradan isə əmək funksiyalarım dəyişdirilməklə boru operatoru vəzifəsi üzrə Şirkətlə əmək münasibətlərində olmuşdur. Şirkətlə əmək münasibətləri bu günə qədər də davam edir. Ramazanov R. 04.10.2006-cı il tarixdə Qərbi-Azəri platformasında əmək funksiyalarını yerinə yetirərkən işəgötürənin təqsiri üzündən bədbəxt hadisə nəticəsində əmək xəsarəti almışdır. Dövlət Əmək Müfəttişliyinin yaratdığı komissiyanın Təhqiqat Aktının nəticəsinə görə baş vermiş hadisə istehsalat xarakterlidir və İstehsalat Zədəsi ( İZ ) Aktı kimi rəsmiləşdirilmişdir. İstehsalatda baş vermiş bədbəxt hadisədən sonra Şirkət tərəfindən işçinin aşağıda göstərilən hüquqları kobud surətdə pozulmuş və bu günə qədər də pozulmaqda davam edir: 1. İşəgötürən şirkət tərəfindən AR Əmək Məcəlləsinin 217-ci maddəsi və AR Nazirlər Kabinetinin 28.02.2000-ci il tarixli “İstehsalatda baş verən bədbəxt hadisələrin təhqiqi və uçota alınması qaydalarının təsdiq edilməsi haqqında” 27 saylı Qərarının 1.7-ci maddəsi kobud surətdə pozulmuş, 5 ay müddətində bu hadisə müvafiq dövlət orqanlarından gizlədilmiş və hadisə barədə dövlət orqanlarına, o cümlədən Dövlət Əmək Müfəttişliyinə və Həmkarlar İttifaqı Təşkilatına məlumat verilməmişdir. Bədbəxt hadisənin əmək funksiyalarını yerinə yetirərkən Şirkətə məxsus Qərbi Azəri platformasında baş verməsinə və vertolyotla xəstəxanaya çatdırılmağına baxmayaraq şirkət yuxarıda göstərilən normativ hüquqi aktların tələblərini pozaraq 5 ay müddətində bədbəxt hadisəni gizlətməyə çalışmışdır. Halbuki Əmək qanunvericiliyinin bu tələblərinə əsasən işəgötürən istehsalatda baş verən bədbəxt hadisələrini ağırlıq dərəcəsindən asılı olmayaraq hadisənin təhqiqatının aparılması üçün hadisə baş verən günü əmək qanunvericiliyinə əməl olunmasına dövlət nəzarətini həyata keçirən Dövlət Əmək Müfəttişliyinə məlumat verməyə borcludur. Yalnız işçinin AR-nın Prezidentinə, AR-nın Baş Prokurorluğuna, ARDNŞ-yə, BP Şirkətinə və sair orqanlara müraciətindən sonra bədbəxt hadisənin təhqiqatı aparılmışdır. Dövlət Əmək Müfəttişliyinin təşkil etdiyi Təhqiqat komissiyasının 28.02.2007-ci il tarixli Təhqiqat Aktının nəticəsinə əsasən bədbəxt hadisə istehsalat xarakterli göstərilmiş,

Dövlət orqanlarına məxsus inzibati binaların təmir-tikintisi üçün büdcədən nə qədər pul ayrılır? Azərbaycanın dövlət büdcəsi artdıqca büdcədən "investisiya layihələri" çərçivəsində təmir-tikinti işlərinə ayrılan vəsaitin həcmi də artır. Əgər 2006-cı ildə təxminən 3.6 milyard manatlıq dövlət büdcəsindən investisiya xərclərinə 611 milyon manat ayrılmışdısa, 2007-ci ildə bu göstərici 6.3 milyard manata qarşı 1.9 milyard manat olub. 8.5 milyard manata bərabər olan bu ilki büdcəmizdən isə dövlət investisiya xərclərinə 2.8 milyard manat ayrılıb. Bütövlükdə "investisiya layihələri" çərçivəsində ayrılan vəsaitlərin necə və hansı istiqamətlərə xərcləndiyi başqa bir yazının mövzusudur. Bu yazımızda isə büdcədən dövlət strukturlarının yerləşdiyi inzibati binaların təmiri, yenidən qurulması və inşası üçün ayrılan vəsitlərdən bəhs edəcəyik. *** İnzibati binaların təmir-tikintisinə 2008-ci ilin büdcəsinə daxil olan 2.8 milyard manatlıq investisiya xərclərindən nə qədər pay arlıdğı hələlik bəlli deyil. Bununla bağlı Hazirlər Kabinetinin aparmalı olduğu bölgü barədə hələ ki hər hansı məlumat yoxdur. Bu üzdən də yazımızı 2007 və ondan əvvəlki ilin göstəriciləri üzərində qurmağa məcburuq. 330 milyonluq təmir-tikinti işləri 2007-ci ilin büdcəsindən inzibati binaların təmir-tikintisinə ümumən 326 milyon manatdan artıq vəsait ayrılıb. Bu vəsaitin əhəmiyytli payına sahib olan dövlət strukturları isə Prezident Aparatının, Milli Məclisin və Hazirlər Kabinetinin işlər idarələri, Ali Məhkəmə, Milli Təhlükəsizlik, Daxili İşlər, Xarici İşlər, Fövqəladə Hallar, Müdafiə Sənayesi,

Son bir neçə ildə neft ixracının yüksələn xətt üzrə inkişafı və neft gəlirlərinin sürətli artımı fonunda həmin gəlirlərin toplanması və məqsədyönlü xərclənməsinə dair xarici təcrübə Azərbaycan üçün daha aktual xarakter daşımaqdadır. Bu gün dünyda Azərbacan neft fonduna bənzər təxminən 35 fond var. Bu fondların əsas məqsədi iqtisadiyyatın və büdcənin neft gəlirlərindən asıllığını azaltmaqdan, neft gəlirlərinin bütün sahələr üzrə bərabər bölüşdürülməsi və inflayasiyanın iqtisadiyyata təzyiqini azltmaqdan ibarətdir. Bir neçə xarici təcrübəyə müraciət edək. Xəzərdəki nefti hasilatı üzrə iri əməliyyatlarda iştirak edən Norveç hazırda neftin ixracı üzrə dünyda 3-cü, Qərbi Avropada isə təbii qazın ən iri idxalçısıdır. Norveç neft fondu 1990-cı ildə təsis edilib. Rəsmi olaraq “Global” Dövlət Pensiya Fondu adlanan bu təsisatda hazırda 300 mlrd. dollardan çox vəsait toplanıb. Fondun idarəçiliyni Norges Bank adlanan Norveçin Mərkəzi Bankı həyata keçirir. Ölkə iqtisadiyyatını arzuolunmaz fəsadlardan qorumaq və Norveç milli valyutası olan kronu qəfil düşüş-enişlərdən sığortalamaq üçün fond daxili bazarda məhdud sərmayə siyasti yürüdür. Neft və qaz satışından əldə edilmiş maliyyənin bir qismi xarici səhm və istiqraz vərəqələrinə yatırılır. Bundan savayı Norveç höküməti neft gəlirlərini offşor fonda köçürür və həmin bu fonddan hər il dövlət büdcəsi defisitininin kompensasiyası üçün 4%-ə qədər vəsait götürmək olar. “2008-ci ilin büdcəsində xərcləri 4% səviyyəsində saxlamaq barədə BVF-in tövsiyyəsini nəzərə almışıq və qarşıdan gələn illər ərzində də, bu, güman ki, belə olacaq”,- deyə Norveçin maliyyə nazirinin müavini Geyr Akselsen bu yaxınlarda bəyan edib. Norveç höküməti bütün neft gəlirlərinin müxtəlif yönlü sosial proqramların maliyyələşdirməsinin əleyhinə çıxış edir. Bunun əvəzində hökümət neft pullarını iqtisadiyyatın qeyri-neft sektoruna aid layihələrə yönəldir. Neft və qaz ehiyatları tükənəndə məhz bu sektor ölkə əhalisinin maddi rifahanın yüksək səviyyədə qalmasını təmin etmiş olacaq. Son 10 il ərzində hökümət neft gəlirlərinin bir qismini əsasən 4 sektora yatırıb : agac, balıq, metallurgiya və maşınqayırma sənayəsinə. Hazırda bu sahələrin inkişaf templərinə görə Norveç Avropa qitəsində aparıcı yerlərdən birini tutur. Təəcüblü deyil ki, Norveçdə istehsal olunmuş ləziz balıq məhsulları və yaxud Norveç agaçından hazırlanmış mebel Avropa və Şimali Amerikadakı istehlakçılar arasında böyük təlabata malikdir. Beləliklə,